السلام عليكم و رحمة الله و بركاتة
كل عام و حضراتكم بخير و رمضان كريم
انا عامل الموضوع ده عشان نشجع بعض على قراءة القرأن الكريم
و الفكرة ان كل يوم هنتفق نقرا جزء و اللى يخلصة يدخل يقول تم
و بعد كده ندخل فى الجزء اللى بعده
اتمنى الفكرة تكون وصلت
و اتمنى تكونوا معايا حتى لو سابقينا
ادخل و شجع نفسك
و ان شاء الله نحاول نخلص القرأن قبل ليلة القدر (هى المفروض فى العشر الأواخر و لكن الأغلبية بتقول انها 27 )
و اكيد هيكون لينا ثواب كبير اوى
و فى نصيحة منى للى لسه مش ابتدى
ابتدى معانا و الأجزاء اللى فيتاك هتتعوض فى الأخر لآن اخر الأجزاء مش كبيرة اوى فتقدر تعوضها معاها
او لو انتهينا من القران بدرى ممكن نعمل يوم للى ناقصة او فايتة حاجة
بس عاوز مشاركة عشان هندخل نتفق على قراءة كام جزء لأن لو الجزء صغير ممكن نزود
طبعا النهاردة 5 رمضان فهيكون علينا قراءة الجزء الخامس
مع طلب صغير ان النهارده الجمعة فهنقرا كمان سورة الكهف زى ما الرسول كان بيعمل (عشان يأجوج و مأجوج و كمان بتنور طريقك من الجمعة للجمعة)
اتمنى كلة يعمل كده و يسجل انه خلص الجزء
و بكرة هنعمل تحديث بالجزء اللى بعده
يالا مستنيكم و مستنى مين يقول انه معايا فى الفكرة
و السلام عليكم و رحمة الله وبركاتة