صعوبة الاعتراف بالحب او الكره!!؟؟

صعوبه الاعتراف بالحب او الكره


هو ده موضوعنا النهارده



ليه,,,,, ليه
ليه ,,, كل الخوف من كلمة أحب
ليه نمنع شوقنا لبعضنا
ليه ,,,, ليه
ليه ,,, تخلي النار في قلبك تهب
ليه نحبس صوتنا بصدورنا

قولي كلمة حب والباقي عليه


دايما معظمنا بيلاقى صعوبه فى انه يظهر حبه للطرف التانى

او كرهه مش الحب بس اللى بنداريه


لو بنحب شخص معين بنحاول ندراى حبنا ده بكل الطرق حتى لوكانت الطريقة دى هى اننا نحاول نبينله العكس مع انه بيبان علينا مهما داريناه
ولو انكشف حبنا للشخص اللى بنحبه بنحس ان مصيبة حصلت ان شىء من خصوصيتنا اتعرف
حتى لو كنا متاكدين من حبه لينا بس بنخاف من ان الحب اللى فى قلبنا ليه ينكشف

ياترى ليه بنخاف من ده

هل علشان اللى بنحبه لما يعرف اد اية احنا بنحبه ممكن يعيش الدور علينا زى مابيقولو ؟
ولا علشان خايف ان الانسان اللى بتحبه يصدمك بانه مش بيبدلك نفس شعورك اتجاهه؟

طب مفكرتش انك لما تدارى حبك ده حتى لو الانسان اللى بتحبه بيبدلك نفس الشعور ممكن يمل فى يوم ويحس انك خلاص مش بتحبه وانه كان بيتهيئلة كل ده وينساك

او ممكن بعد الشر تفترق عنه ياالموت يبعدك عنه او الدنيا تفرقك عنه قبل ماتقله كل اللى فى قلبك وساعتها هتحس بندم عمرك ماحسيت بيه وتندم انك ماعترفتلوش بحبك ليه

طب لية تستنى لحد مااليوم ده يجيى



قلبي لو نطق باسمك يخاف
لو يمس أسمك صدى صمتي أخاف
لو أفكر فيك لوحدى أخاف
ليه تحرمنى الاعتراف


اما بقى لما بنبقى بنكره حد كره العمى ومش بنطيقه منقدرش برضه نعترفله بده او كتير مننا بيخاف يحاول يبين للانسان اللى بيكره انه مش بيطيقه
طب ليه صعب علينا الاعتراف بالكره اوى كده مدام مش بنحبه
طب لية منحولش باى طريقة نحسسه بالاحساس اللى جوانا من نحيته اية
لا العكس بيحصل من اكترنا اننا بنضحك فى وشه ونحاول نجمله

يعنى العكس تماما لتصرفنا مع اللى بنحبهم يعنى بالمعنى الاصح بنلخبط فى الاحاسسيس وفى طريقة التعبير عنها


اكرهك واقولها لك بكل صدق
اكرهك لانك من ذقتنى من مراره الايام
اكرهك لانك جرحتى وبكل سهوله
جرحتنى بلارحمة وهاانت الان تبتسم لى
بكل سهولة وكلما تزداد الابتسامة
يذيد جرحى اكثر واكثر
ولا اتردد فى انى اقولها لك

اكرهك
نعم اكرهك من كل قلبى



نيجى لسوالى اللى عاوزة اعرفه اجابته من كل منكم

1-هل الاعتراف بالحب بالنسبالك صعب ام العكس؟
2-هل الاعتراف بالكره للشخص الذى تكره صعب او العكس؟

3-ايه رد فعلك لو اعترفلك احد بحبه ليك(سواء بتحبه او تكرهه)
4-ايه رد فعلك لو اعترفلك احد بكره ليك(سواء بتحبه او تكرهه)