السلام عليكم ورحمه الله وبركاته
تخيلو معايا انك كنت بتحب حد اوى وكان بيموت فيك وحلمتو سوا وفرحتو سوا و حزنتو سوا كان كل حلمكو انكو تعيشو مع بعض ف بيت صغير مليان دفى وحنيه وطبعا الفرحه تكمل لما يبقى عندكو بيبى صغير يملى عليكو البيت فضلتو تحلمو بكل تفاصيل حياتكو وعايشين ف سعاده وماليكو الامل بس معملتوش حساب حاجه صغيره انكو ممكن بعد كل الحب ده متبقوش من نصيب بعض
عندى اكتر من سؤال
هتقدر تنسى حبيبك اللى متمنتش غيره من الدنيا اللى بيفهمك من غير متتكلم اللى بيحس بيك من غير متشرح؟
هتقدر تكمل حياتك وانتا عارف انه بيتالم من فراقك؟
هتقدر تقول للتانى انتا حبيبى وانتا حياتى انتا عمرى اللى جاى وكل كلام الحب اللى كنت بتقولها لحبيبك الاولانى؟
هتقدر تنقل مشاعرك وحبك للطرف التانى بدون ميكون حبيبك عائق بينكو؟
هتقدر او هتقدرى تبقى ف يوم فرحك مبسوطه وبترقصى وبتضحكى والناس بتباركلك وتكملى حياتك عادىوانتى عارفه انه ف اليوم ده هيكون اسوء يوم ف حياته؟
هتقدر مثلا ف يوم تبقى ماشيه مع خطيبك او جوزك وفجاه شوفتى حبيبك هتعملى ايه احساسك هيبقى ازاى؟
هتبقى مبسوط وسعيد خلاص وتقول الماضى مات؟ ولا هتحس بالزمب بانك سبته واتخليت عنه حتى لو كان دا غصب عنك والنصيب حكم بكده؟
الحياه ممكن تمشى بس السؤال الاحساس هيبقى ازاى وهل هتقدر او هتقدرى؟
اكيد الاجابه هتبقى حساسه جدا والموضوع صعب
بس ياريت الكل يجاوب بامانه ويتخيل نفسه ف المواقف دى ويشوف ممكن يعمل ايه؟؟؟؟؟؟؟؟؟؟؟؟؟؟؟؟؟
مستنى ردودكم