ورجعت اكتب ليكى من تانى
مع ان اسمك مكتوب فى قلبى
وصورتك مرسومة فى عينى
اكتب اسمك -وارسم صورتك باحلى ماتريدى
يابلسم حياتى يا سر وجودى
يا سهر الليالى - يا كل ورودى
حبك علية غالى - واغلى من عيونى
ياحلم امالى - يا امل احلامى
وياك ينتهى عمرى - ومعاك تتولد اشواقى
والقلب قبلك كان حجر - والعمر من بعدك سفر
ولما شفتك لان الحجر وكرهت السفر
فرجع لقلبى النبض من تانى
ورجعت اكتب ليكى من تانى
وكأنى بكتب يدوب أول كلامى
معاكى اجمل ذكرياتى - وياكى بلاقى ذاتى
ياعمرى وكل ايامه - يالحنى وكل الحانى
يا كلمة معناها كلامى
ياوترى وكل اوتارى
ياساكنة ف روحى وكيانى
ورجعت اكتب ليكى من تانى
بعيش ليكى مش عشانى
يااجمل حسن ربانى
يارحلة عمرى وزمانى
ولوكنت نسيت فى يوم اكتب
ياريت تكونى مسمحانى
وخلاص حرمت واتأدبت
والشوق اليكى ربانى
ورجعت اكتب ليكى من تانى
امضاء تاجر السعادة
موضوع: ورجعت أكتب ليكى من تانى - لتاجر السعادة 
